Yangiliklar

AHOLINI ROʼYXАTGА OLISH YUZАSIDАN OʼZBEK TILIDАGI QOʼLLАNMА BMT YEVROPА IQTISODIY KOMISSIYASINING VEB-SАYTIDА!!!

Dunyo mamlakatlariga aholi va uy-joy fondini roʼyxatga olishni rejalashtirish va uni oʼtkazishda yordam koʼrsatish maqsadida BMTning Yevropa iqtisodiy komissiyasi, Yevropa ittifoqining statistika xizmati va bir qator aʼzo davlatlar ishtirokida tayyorlangan “Evropa statistiklari konferentsiyasining  2020 yil raundida aholi va uy-joy fondini roʼyxatga olish boʼyicha tavsiyalari” nomli qoʼllanma BMT Аholishunoslik jamgʼarmasining texnik koʼmagi asosida Davlat statistika qoʼmitasi mutaxassislari tomonidan oʼzbek tiliga tarjima qilindi.
Davomi... 15.06.2021

O‘zbekiston Respublikasida aholining ayrim toifalarini ro‘yxatga olish tartiblari.

Aholining ayrim toifalarini ro‘yxatga olishning xususiyatlari:- chaqiruv asosida harbiy xizmatni o‘tayotgan harbiy xizmatchilar, shuningdek, yopiq hududlarda shartnoma bo‘yicha harbiy xizmatni o‘tayotgan harbiy xizmatchilar va ularning oila a’zolari Mudofaa vazirligi va boshqa qurolli kuchlarning yopiq hududlari bo‘yicha ro‘yxatdan o‘tadilar. Yopiq hududlardan tashqarida o‘z shaxsiy uyida istiqomat qilib, harbiy xizmatni o‘tayotganlar va ularning oila a’zolari doimiy yashash joyi bo‘yicha ro‘yxatdan o‘tadilar;
Davomi... 11.06.2021

Aholini ro‘yhatga olish

O‘zbekiston Respublikasida 2021 yilda sinov tariqasida aholini ro‘yxatga olish varag‘i shakllarini to‘ldirish bo‘yicha yo‘riqnoma tasdiqlandi.    Aholini ro‘yxatga olishni o‘tkazishning asosiy usuli aholi (respondentlar) o‘rtasida so‘rov o‘tkazish orqali savolnomalarni to‘ldirish hisoblanali. So‘rov aholini ro‘yxatga olish jarayonlariga vaqtincha jalb etiladigan xodimlar tomonidan amalga oshiriladi, Savolnomalar ro‘yxatga oluvchi xodimlar tomonidan uyma-uy yurgan holda aholi respondent) yashaydigan (vaqtincha yashaydigan) yoki yashashi mumkin bo‘lgan turar yoki noturar joylarda va respondentlar o‘z xohishiga asosan stasionar uchastkalarga tashrif buyurgan vaqtda to‘ldiriladi. Savolnomalar 5 ta shakldan iborat bo‘lib, ushbu shakllarda turar joyning xususiyatlari va unda yashovchilar ro‘yxati, shaxsga oid savolnoma, O‘zbekiston Respublikasiga vaqtincha kelgan chet el fuqarolari uchun savolnoma, aholining ayrim toifalariga nisbatan shaxsga doir ma’lumotlarni yig‘ish bo‘yicha savolnoma hamda vaqtincha turgan joyi bo‘yicha O‘zbekiston Respublikasi fuqarolari va fuqaroligi bo‘lmagan shaxslar uchun nazorat varaqasidan iborat.   Savolnomalar respondentning shaxsga doir ma’lumotlari, ularning og‘zaki javoblari asosida, hech qanday tasdiqlovchi hujjat talab etilmagan holda ro‘yxatga oluvchi tomonidan to‘ldiriladi. Ro‘yxatga oluvchi so‘rovni boshlashdan avval respondenga o‘z guvohnomasini ko‘rsatishi va uning boshqa turar joyi bor yo‘qligini aniqlashtirib olishi lozim. Agarda respondentda bir nechta turar joy mavjud bo‘lsa, asosiy turar joyi sifatida oila a’zolari bilan birga yashaydigan joyi hisobga olinadi.  Jumladan, respondent doimiy yashaydigan (doimiy ro‘yxatdan o‘tgan) turar joyi bo‘lib, ammo u oila a’zolari bilan boshqa turar joyda yoki oila a’zolarining biriga tegishli boshqa xonadonda yashaydigan bo‘lsa, respondent to‘g‘risidagi shaxsga doir ma’lumotlar oilasi bilan yashaydigan joy bo‘yicha to‘ldiriladi.  Agarda respondent ish joyi joylashgan aholi punktidagi turar yoki noturar joyda yashaydigan bo‘lib, dam olish kunlari oila a’zolari yashaydigan boshqa aholi punktiga borib yashasa, ushbu respondent uchun savolnoma oila a’zolari yashaydigan joy bo‘yicha to‘ldiriladi. Shuningdek, ro‘yxatga olish jarayonida dala hovlisida yashayotgan aholi uchun savolnomalarni to‘ldirish doimiy ro‘yxatda turgan joyi bo‘yicha amalga oshiriladi. Agarda doimiy yashash joyi dala hovli hisoblansa, bunday hollarda dala hovli bo‘yicha savolnomalar to‘ldirilishi mumkin.
Davomi... 03.06.2021

O‘zbekiston Respublikasida 2021 yilda sinov tariqasida aholini ro‘yxatga olish varag‘i shakllarini to‘ldirish bo‘yicha yo‘riqnoma tasdiqlandi.

Mazkur yo‘riqnoma O‘zbekiston Respyblikasi Vazirlar Mahkamasining 2020 yil 11 noyabrdagi "O‘zbekiston Respublikasida 2023 yilda aholini ro‘yxatga olishga tayyorgarlik ko‘rish va uni o‘tkazish chora-tadbirlari to‘g‘risida"gi 710-son qaroriga asosan ishlab chiqilgan. Ushbu yo‘riqnoma xalqaro ekspertlar tavsiyalari va xorijiy davlatlar tajribalari asosida tayyorlangan bo‘lib, aholini ro‘yxatga olish jarayonlariga vaqtincha jalb etilgan xodimlar uchun ro‘yxatga olish varag‘i shakllarini  to‘ldirish jarayonlarida foydalanish uchun mo‘ljallangan. Aholini ro‘yxatga olish sanasi 2021 yil 1 noyabr 00 soat 00 daqiqa (keyingi o‘rinlarda aholini ro‘yxatga olishning aniq payti deb yuritiladi) etib belgilanadi. Savolnomalarga ma’lumotlar aholini ro‘yxatga olishning aniq payti bo‘yicha kiritiladi. Savolnomalarni to‘ldirish davri 12 kun, ya’ni 2021 yil 1-22 noyabr kunlari.          Aholini ro‘yxatga olishning aniq paytidan keyin sodir bo‘lgan jarayonlar to‘g‘risidagi shaxsga doir ma’lumotlarni yig‘ish amalga oshirilmaydi. Masalan, aholini ro‘yxatga olishning aniq paytidan keyin tug‘ilgan chaqaloqlar uchun savolnomalar to‘ldirilmaydi, lekin aholini ro‘yxatga olishning aniq paytidan keyin vafot etgan shaxslar uchun savolnoma to‘ldiriladi. Savolnomalar vafot etgan shaxslarning oila a’zolari yoki o‘zini o‘zi boshqarish organlaridagi mavjud ma’lumotlar bazasi asosida to‘ldiriladi.
Davomi... 28.05.2021

O'zbekiston Respublikasida Aholini ro'yxatga olishda bir qator vazifalar yuklandi!

O'zbekiston Respublikasida Aholini ro'yxatga olishda bir qator vazifalar yuklandi! Aholini ro'yxatga olish jarayonlarini halqaro talablarga mosva sifatli o'tkazishda kartografik materiallarning aniqligixam muhim hisoblanadi. O'zbekiston Respublikasi Davlat Soliq Qo'mitasi huzuridagi Kadastr agentligiga Qoraqalpog'iston Respublikasining Vazirlari Kengashi, viloyatlar va Toshkent shahar hokimliklari bilan birgalikda aholini ro'yxatga olish uchun juda zarur bo'lgan megdorda kartografik materiallarni (shahar va qishloq aholi punktlarining sxematik rejalari va xaritalari) bilan ta'minlash vazifasi yuklatildi. Aholi punktlari va ko'chalarning nom belgilarini o'rnatish, xonadonni va uylarni to'liq raqobatlash ishlarini yakuniga yetkazish vazifalarini qo'ylashdi. Milliy gvardiya va ichki ishlar organlari xodimlariga esa ahvolini ro'yxatga olish uchun olish ishlariga jalb etilgan xodimlarni havfsizligini ta'minlash topshirildi.Qachon, qanday shakldada o'tkaziladi?
Davomi... 19.05.2021
 
© 2014, Namangan viloyat Uchqo'rg'on tuman hokimligining rasmiy axborot portali. Sayt materiallaridan foydalanilganda www.uchkurgan.uz manbasi ko'rsatilishi shart.
Sayt Namangan viloyati hokimligining Kompyuterlashtirish markazi tomonidan ishlab chiqilgan.