Учқўрғондаги картадромда Ўзбекистон мудофаасига кўмаклашувчи "Ватанпарвар" ташкилоти ташаббуси билан ёшлар ва катталар ўртасида картинг бўйича Ўзбекистон кубогининг учинчи, якунловчи финал босқичи ўтказилди.
Ушбу мусобақада юртимизнинг барча вилоятлари ва Тошкент шаҳридан келган 80дан зиёд 7 ёш ва ундан юқори бўлган спортчилар 50 м3 -синфи (микро), 61,5 см3 синфи (мини), 125 см3 ва 250 см3-синфи бўйича куч синашди. Муросасиз кечган ҳал қилувчи пойгаларда 54 спортчи шоҳсупадан жой олди.
🏆Якуний натижаларига кўра, энг кўп очко жамғарган Тошкент вилоятининг Ангрен автомобиль мактаби жамоаси кубокни қўлга киритди.
🥈Мусобақанинг барча босқичларида фаол иштирок этган Наманган вилояти спортчилари фахрли 2-ўринга сазовор бўлди.
🥉Пойтахтнинг Бектемир ўқув спорт техника клуби кучли учликни якунлаб берди.
👏Ғолиб ва совриндор спортчилар ва жамоалар кубок, диплом, эсдалик совғалари билан тақдирланди.